(ВИДЕО) Морски змејови на брегот на Тексас, може да бидат опасни!
Животинско царство 15/05/2020 Darijanatos
На плажите на островот Падре, во американската сојузна држава Тексас, деновиве се регистрирани ретки суштества наречени „сини змејови“. Иако нивното име би можело да асоцира на големи летечки суштества кои испуштаат оган, станува збор за морски суштества од видот glaucus atlanticus коишто достигнуваат големина од само три сантиметри.
Биолозите за американската агениција Си-Ен-Ен објаснуваат дека ги населуваат водите на Атлантскиот, Индискиот и на Тихиот океан.
Но, иако не се ни приближно големи како митолошките ѕверови што блујат оган, тие сепак се опасни. Сините змејови се хранат со таканаречениот „морски крстосувач“, суштество слично на медуза, коешто на себе има опасни боцки. Интересно е што откако ќе го совладаат својот плен, змејовите ги чуваат неговите боцки како сопствено оружје против агресорите. Ако човек допре некое од овие мали суштества, тие би можело да му нанесат повреди многу поболни од самиот Морски крстосувач.
„Затоа, можете да им се восхитувате, но немојте да ги допирате“, советуваат од крајбрежните служби на островот.
