Со бамјата (lat. Hibiscus esculentus) се подготвуваат многу познати и помалку познати јадења. Во литературата е запишано дека кралицата Клеопатра, прочуена според убавината и привлечноста, на своето мени редовно имала и бамја, но мора да се напомене дека во персиската религија, Бамја била божица на победата.
Африка е прататковината на ова растение, а на Балканот стасала од Арапскиот полуостров, преку Турција. Самото име доаѓа, од арапскиот збор – „bamyah.
Бамјата е истворемено храна и лек. Нејзините благотворни ефекти се навистина бројни, а еве ги најинтересните:
-влакната што се наоѓат во неа помагаат за стабилизација на нивото на шеќерот во крвта;
-слузот на бамјата го врзува холестеролот и ја помага работата на црниот дроб;
-во нешто поголеми количества бамјата може да има лаксативен ефект, па помага кај опстипација;
-благотворно дејствува врз кожата намалувајќи ги црвенилото и воспалителните процеси, па и помага на кожата да ја задржи мазноста и затегнатоста;
-има ниска енергетска вредност што ја прави згодна за редукциски диети;
При купување на бамја треба да се обрне внимание на тоа таа да не биде подолга од 3 см, оти колку е пократка, толку е подобра.
