22/10/2021

ХИПНОЗА; Порта кон длабочините на умот

Кога се зборува за хипнозата најчесто помислуваме на безчувствителни лица, со ладни и вкочанети погледи,  подготвени да сторат нешто за кое ги „програмирал“ некој лош чичко. Тоа е погрешното светло за хипнозата. Така е бидејќи претставувањето на оваа техника најчесто се среќавало во книги за вештерки или самовили, но како и преку цртани или играни филмови. Но, вистината за хипнозата е нешто сосема поразлично. Станува збор за наменско предизвикување на природна состојба на потполна мускулна и ментална опуштеност. Целото тело и умот се максимално релаксирани. Во оваа пријатна состојба личноста е потполно свесна за се што се случува со неа и во нејзината околина. Од хипнозата може да се излезе секогаш, кога ќе се посака. Во состојба на хипноза личноста е мошне поотворена за сите сугестии кои не ги загрозуваат нејзините морални, лични и животни ставови. Со други зборови, хипноза претставува свесно предизвикување на состојба на длабока опуштеност со цел да се оствари комуникација со подсвесниот дел на умот.
Хипнозата не е: – состојба во која некој се однесува како „зомби“, без емоции и чувства – состојба во која личноста не слуша и не чувствува што и се случува – состојба во која некој ве контролира и ви наметнува туѓа волја – „серум на вистината“
Дали секој може да биде хипнотизиран? Секако, но постојат неколку исклучоци: ментална заостанатост, длабока старост, некои видови на умствена оштетеност…и тоа е тоа. Со други зборови, ако хипнотизерот ја има дозволата од некоја личност, работата е завршена. Зошто се користи хипнозата? Најчесто се користи како помошно средство при третман на стравови или фобии, за контрола на стресот, за ослободување од потиснати чувства или емоции…
Copy Protected by Chetan's WP-Copyprotect.